AF268: 56r

piyādeyi pervā [?]/perdā [?] ṣudan ʿubūr ėdüb ve müteʿāqib nice gürūh‑i mekrūh daḫı geçmege ḥarekete gelüb lākin muqaddem geçen melāʿīn [...] u [...] ve tefünglerine // maġrūr olub ve ʿaqablarınca yardum [?] kesilmez [?] qıyās‑ile ardına baqmayub ʿasker‑i islāma muqābil geldükde ġuzāt‑i dīn‑i mübīn aṣlā amān // u zemān vėrmeyüb berq‑i hātif gibi üzerlerine hücūm ėdüb bi‑ʿināyeti llāhi taʿālā cümlesi ṭarfetü l‑ʿayn içre ṭuʿma‑i şimşīr olub // cümle ṭablları [?] ve alay bayraqları ve ser‑nigīn eşleri [?] alınub ḫāk‑i süm‑i semend‑i pādişāhīye ġalṭān olub küffār‑i füccār ʿasker‑i islāmuñ // bu hücūm u iqdāmların müşāhede ėdicek bir qadem illerüye ḥarekete cürʾet ėdemeyüb ancaq ṭarafeynden vādī aşurı ṭob ve tüfeng // cengde [?] ėdüb mā‑beynde ʿaẓīm bataq olmaġla geçidden ġayri yėrden mürūra imkān olmayub geçid maḥallerinde ise [?] niçe ṭoplar ve niçe biñ tüfeng‑ // endāz olmaġla ol gün ne ʿasker‑i islām düşmen ṭarafına ve ne düşmen beri cānibe geçmege qādir olub vaqt‑i ẓuhrdan‑‑oñra yaġmur daḫı yaġmaġa // başlayub ol gün vaqt‑i ʿaṣra degin aġrıq [?] qondurılmayub ʿāqibet ceng imtidād bulub ḥuṣūmet [!] ü dār [u] gir bir ṭaraf olmamaġla // muḥārebe olan maḥall ki Qiristoş ṣaḥrāsı dėmekle maʿrūfdur aḫşama qarīb qonılmaq ve ḥayme [!] ve dergāh qurılmaq fermān olınub ẕikr olınan // ṣaḥrāya Qiristoş dėmege bāʿide [?] ṣaḥrānuñ iki ṭarafında birer kilīsā olmaġla āyīn‑i bāṭileleri üzre ḥaclarına teşbīh ėdüb Qiristoş dėyü // tesmiye eylemişlerdür ol gün ve ol gėce ne insān ve ne ḥayvān āb u ʿalefden qaṭre ve aġzına almayub ve kimse ḥaymesin [!] ve bār‑ḫānesin // bulmayub eks̱eriyā ʿasker ol gėceʾi at arqasında ṣabāḥa çıqarub ṣubḥ‑i ṣādıq olduqda meydān‑i kār‑zāra naẓar olınub küffār‑i // ḥīlekār cümle ʿasker‑i şeyṭān reh‑berin ṭābūrı yanına geçüb piyādesin ve tüfenglü atlusın ve ṭopların öñine tertīb ėdüb ve sāyir // atlu ve ṣırıqlu olan ʿaskerinüñ gür[ū]h‑i mekrūhların görinür görinmez ṭaġ eteklerinde ṭābūra muttaṣıl alaylar baġladub // ve bu cānibde geçid başların ḥālī qonub ʿasker‑i islāmuñ daḫı meydāna ḥālī gördüklerine küffār‑i ḥāksār [!] firār eylemek üzredür dėyü // qıyās ėdüb iḫtiyārları qalmayub qullu qollarından süvār u ʿazm‑i meydān ėdüb ve vüzerā‑yi kārdān ve sāyir // ehl‑i dīvān‑i dergāh‑i sulṭāna ve bārgāh‑i ṣāḥib‑qırānīye yüz sürüb ʿizzetlü ve şevketlü pādişāh daḫı rikāb‑i hümāyūna qadem baṣub // ʿazm‑i rezm‑i nuṣret‑nişān ėtmişken çünki geçid başlarından aʿdā firār eylemişdür ʿasker ile bu qullaruñuz maʿreke gāhı[n]a varalum // siz devletle taḥt‑i [!] maqarr‑i seʿādet‑baḫtda qarār buyuruñ dėyü reʾy görüp ve ḫaber‑i duʿāların alub ve aʿdānuñ üzerine teveccüh ėdüb // ẕikr olınan geçidlerden geçüb ʿasker‑i islām resm‑i qadīm üzre ceng alayların tertīb ü terbīyet ėdüb ṭarafeynden nice qovuşma // ve dönderişme [?] olub melāʿīn‑i bī‑dīnüñ meydān‑i ḫuṣūmet‑nişānda ceng ėden eşrār‑i dūzaḥ‑i [!] firāruñ cümle piyāde ve süvārī // tüfeng‑endāz u āteş‑bār olub ve cümle ṭopların ve żarbuzanların ʿasker‑i islām ṭarafına ḥavāle ėdüb mużāyaqa vėrmekle // yemīn ü yesār u meydān‑i kār‑zārda olan ġuzāt‑i müslimīn ṭopa ṭop ve tüfenge tüfeng gerekdür dėyü bir miqdār meydāndan // çekilüb aʿdāya ṭop ve tüfeng üzerine getürmek tedārükiyle ḥareket eyledükleri gibi Qaramān ve Anaṭolı ʿaskeri gėri dönmek şekline [?] // müteṣaddī olduqlarında ʿasker‑i islām qaçdı qıyāsıyla eger ṭābūr öñinde olan küffār u eger ṣaḥrāda alayların baġlayub // duran Macār‑i ehl‑i nār yek‑dil ü yek‑cihet olub bir yėrden ḥamle ve hücūm ėdüb cümle gürūh‑i mekrūhların ve ṭopların ḥarekete getürüb